醫療8點檔：SGLT2抑制劑或成糖友新希望？
內容:
身為神級女主播嘅文健儀Mean姐（@方健儀Akina Fong 飾演）近排又「索」到城中猛料，留意到唔少糖尿病患者跟從網上KOL教嘅生酮飲食方法後，病情反而惡化，搞到好多苦主一齊聲討。而作為上位新聞小花嘅何伊薇May（@何依婷Regina Ho 飾演）收到消息後勢要搶先一步做獨家專題，好彩最尾Mean姐主動邀請阿May合作，化解衝突一齊做好節目，就連老總（心臟科專科謝德新醫生飾演）都好滿意呀！
其實糖尿病係香港最普遍嘅慢性病之一，每10個人就有1個患有糖尿病，但好多人對呢個病認知不足，唔知道佢可能引致嘅嚴重併發症。心臟科專科董光達醫生同何國棟醫生喺節目內提到，長期高血糖會影響全身大小血管，特別係腎臟同心臟，增加糖尿病患者患上慢性腎病、腎衰竭同心臟衰竭嘅風險。建議糖友要定期進行身體檢查，及早發現潛在健康問題，減低出現嚴重併發症嘅風險！
董醫生分享，保持血糖穩定嘅關鍵在於適量均衡嘅飲食、低脂烹調及高纖維食物嘅攝取。另外，何醫生同董醫生仲分享咗現時市面有新一代SGLT2抑制劑，不但有助控制血糖，更對心衰竭同腎功能衰退嘅患者都有顯著療效。
董光達醫生及何國棟醫生提醒大家：片段內容僅供參考，所有預防及治療方法都有不同的成效、副作用及風險。如有疑問，請向主診醫護人員查詢。
#糖尿病 #糖尿心 #糖尿腎 #心腎綜合症 #心臟衰竭 #慢性腎病 #腎衰竭 #心腎健康 #SGLT2抑制劑 #醫療8點檔 #文健儀 #方健儀 #何伊薇 #何依婷 #心臟科專科醫生 #董光達醫生 #何國棟醫生 #謝德新醫生
HK-10833 21/9/2024
